స్టార్ డైరెక్టర్ పూరి జగన్నాధ్ తన కుమారుడు ఆకాష్ పూరి తదుపరి చిత్రం `రొమాంటిక్` కోసం కథ, స్క్రీన్ ప్లే మరియు డైలాగ్స్ అందించారు. అనిల్ పాదూరి ద‌ర్శ‌కుడు. ఛార్మి కౌర్‌తో కలిసి పూరి జగన్నాథ్ టూరింగ్ టాకీస్ మరియు పూరి కనెక్ట్స్ బ్యానర్‌లపై పూరి జగన్నాధ్ ఈ చిత్రాన్ని నిర్మించారు. ఈ చిత్రం సెన్సార్ కార్య‌క్ర‌మాలు పూర్త‌య్యాయి. ఎలాంటి క‌ట్స్ చెప్ప‌కుండా సెన్సార్ వారు ఈ చిత్రానికి యు/ఎ స‌ర్టిఫికేట్ ఇచ్చారు. ఈ సందర్భంగా విడుద‌ల చేసిన పోస్ట‌ర్‌లో కేతికా శర్మను ఆకాష్ వెన‌క నుండి కౌగిలించుకోవడం చూడొచ్చు. ఇది సినిమా టైటిల్‌ను జ‌స్టిఫై చేస్తుంది. త్వ‌ర‌లో ఈ మూవీని థియేట‌ర్స్‌లో విడుద‌ల చేయ‌నున్నారు మేక‌ర్స్‌. రమ్యకృష్ట ఒక కీల‌క‌పాత్ర‌లో న‌టించారు. ఇంటెన్స్ రొమింటిక్ ఎంట‌ర్‌టైన‌ర్‌గా రూపొందిన ఈ చిత్రానికి సునిల్ కశ్య‌ప్ సంగీతం అందించారు. న‌రేష్ సినిమాటోగ్రాఫ‌ర్‌గా వ్య‌వ‌హ‌రించారు. ఇప్ప‌టికే విడుద‌లైన పాటలకు విశేష స్పందన వచ్చింది. దాంతో పాటు ఇప్ప‌టి వరకు రిలీజైన అన్ని పోస్టర్లు సోషల్ మీడియా ప్లాట్‌ఫామ్‌లలో సినిమాపై మంచి బ‌జ్‌ని క్రియేట్ చేశాయి.
తారాగ‌ణం: ఆకాశ్ పూరి, కేతికా శ‌ర్మ, రమ్యకృష్ట, మ‌క‌రంద్ దేశ్‌పాండే, ఉత్తేజ్‌, సునైన
